Nga tani, Ergon Hyseni, video analist i licensuar nga Federata Shqiptare e Futbollit. Ergoni do të angazhohet dhe do të na ndihmojë në ekipën e parë, së bashku me stafin e trajnerit Arsim Abazi, për të ofruar analiza sa më të sakta të ndeshjeve. Ky licensim është një hap i rëndësishëm për të përmirësuar performancën e ekipit dhe për të arritur rezultate më të mira në fushë.

FC Ferizaj ka kënaqësi të ju njoftoj se mesfushori, Florent Avdyli, nga sot është lojtari më i ri i klubit tonë. “Fllaki”, që së fundmi ka luajtur në Superligë me Ferronikelin, ishte një nga lojtarët më të dalluar të sezonit të kaluar. Ai më herët ka luajtur në KF Teuta, me që rast është shpallur kampion i Shqipërisë me skuadrën nga Durrësi në sezonin 2020/21. Kurse në Kosovë është paraqitur me Prishtinën, Malishevën, Drenicën, Lirinë, Trepçën dhe Fushë Kosovën. Florenti është lojtar që e pëlqen të sulmojë zonën e kundërshtarit, majtak me vizion dhe goditje të fuqishme. FC Ferizaj beson se përvoja e tij do të jetë armë shtesë e jona në Superligë.

FC Ferizaj sot ka kompletuar transferimin e mbrojtësit boshnjak, Ermin Imamoviç. Imamoviç së fundmi u paraqit në Mal të Zi me skuadrën e FK Jezero. Kurse më herët ka qenë pjesë e Hajduk Split II, CSKA Moscow II, Velez Mostar dhe FK Olimpik. Vlen të theksohet se Imamoviç sezonin e fundit është shpallur lojtari më i mirë i huaj në Ligën e Malit të Zi. FC Ferizaj do të vazhdojë të jetë aktive në afatin kalimtar.

FC Ferizaj ka kënaqësi të ju njoftoj se ka arritur marrëveshje me sulmuesin anësor, Redon Syla. Redoni në dy sezonet e fundit ka qenë pjesë e Superligës së Kosovës, me Malishevën, respektivisht Dukagjinin. Me këtë transfer, ne i dhurojmë sulmit tonë shpejtësi dhe cilësi. Vazhdojmë fuqishëm

FC Ferizaj ka siguruar shërbimet e mbrojtësit të qendrës, Granit Islami. Mbrojtësi ynë i ri, karrierën e ka filluar tek grupmoshat e klubit të njohur anglez, Norwich City. Islami, do të jetë forca jonë shtesë në vijën e fundit të mbrojtjes, me gjatësinë dhe potencën e tij. Vazhdojmë

Ju prezantojmë me ardhjen e radhës në skuadrën tonë, Elvis Shehu Portieri 17-vjeçar nga Kaqaniku, Elvis Shehu, ka nënshkruar kontratë 3-vjeçare me klubin tonë. Shehu së fundmi ishte pjesë e FC Prishtina U21, me që rast u shpallë kampion në Bon Voyage Superligën U21. Mirë se erdhe në familjen tonë, Elvis Shehu!

Sot në mbrëmje është zhvilluar stërvitja e parë e gjeneratës së formuar së fundmi, FC Ferizaj U21. Nën direktivat e trajnerit, Liridon Leci, lojtarët e grumbulluar, shumica ish-juniorë të klubit tonë, patën rastin të njihen me trajnerin dhe metodat e organizimit të stërvitjeve. Ju njoftojmë se ndihmës trajner i Lecit, do të jetë Emir Rama, ish-lojtar i Prishtinës, Dritës e Flamurtarit. Kujtojmë se kampionati i Bon Voyage Superliga U21 do të fillojë në mesin e muajit gusht. Shumë suksese Leci, Rama dhe gjithë ju lojtarë që do jeni pjesë e FC Ferizaj U21.

FC Ferizaj ju njofton se ka arritur marrëveshje me sulmuesin nga Maqedonia e Veriut, Fatjon Jusufi. Fatjoni ka qenë kampion me skuadrën e Strugës, kurse është paraqitur edhe në Renova, FC Shkupi, Gostivar dhe Voska Sport. Depërtimet, marrja e topit në zona të ngushta, vizioni dhe goditjet e fuqishme janë disa nga karakteristikat e sulmuesit tonë të ri. Përvoja e tij do të jetë ndihmesë e madhe në repartin ofansiv.

Day one Seanca e parë përgatitore për edicionin e garave 2024/2025. Lojtarët që u paraqitën në grumbullim treguan formë të mirë fizike, të motivuar e optimist për Superligën. Na priftë e mbara

Trajneri ynë, Arsim Abazi, në bashkëpunim me drejtorin sportiv, Genc Hyseni, kanë emëruar stafin e trajnerëve që do ta udhëheqin skuadrën në garat e Superligës. Stafi i Abazit do të përbëhet nga; Egzon Shabani ndihmës trajner, Isuf Berisha trajner kondicional, Luan Alija trajner i portierëve dhe Ergon Hyseni video-analist. Bordi Drejtues i klubit, në krye me presidentin Lulzim Abazi, i urojnë suksese stafit të trajnerëve, duke besuar në punën dhe profesionalizmin e tyre. Kujtojmë se, faza përgatitore për FC Ferizaj, fillon ditën e nesërme, 26 qershor, nga ora 10:00, ku lojtarët do të grumbullohen për seancën e parë stërvitore në Stadiumin e Qytetit. Na priftë e mbara